الطحالب غذاء مثالي للإنسان..

 قصيدة بالعامية:

هرجع أعيش تاني..

وبعيد عن الأحزان..

هبني الأمل تاني

أنا لسه إنسان..

من جوه مش عدواني

مهما تخودني الضلمة..

لدنيا قاسية وعامية

شمس الحنين فاكراني

مهما السيوف تكتر..

حوالين رقاب الحق..

أنياب للشر تظهر..

وتقول للحق لأ..

لا ف عمري يوم أنساه..

والحق ما ينساني

وبعيد عن الأحزان..

والهجرة هي التمن..

هجرتنا للظالمين..

والظلم مش م الزمن..

وخيانة الخاينين..

والقسوة والقاسيين..

حأبني الأمل تاني

العدل لو جوانا..

يجعل ليالي الحزن..

بسمة تملي معانا..

والفرح من غير إذن..

يوصل لعنواني

أفرش ورود الحب..

أنسى إللي كان بيا..

وأغني غنوة قلب..

ترقص لها عنيا..

وأرجع أعيش تاني

(المنصورة في مايو 1992م)

تعديل المقال