الطحالب غذاء مثالي للإنسان..

 أمثال شعبية:

جزء 1

Ø           أربى وأعلف، ويجي غيري يخطف!

Ø           أربي وأسمن، ويجي غيري يتمن!

Ø           كل اللي أجمعه في الغربه.. يجي اللي يلقطه في الكربه!

Ø           جمعت أيه في الغربة يا تعيس.. غير قرش وحبة فلاليس!

Ø           من هانت عليه حريته.. شال فوق راسه جزمته..

Ø           رافق صاحب العلم وفارق صاحب المال..  الأول منه تتعلم، والتاني متخلصشي م القيل والقال..

Ø           الحلو اللي طبعه حلو.. والوحش اللي طبعه سو..

Ø           متصدقش اللي يوعد ويخلف.. مهما يتشحتف ويحلف..

Ø           طريق الخير منور ونضيف.. وطريق الشر ضلمة ومخيف..

Ø           حلاوة اللسان رزق.. وسوء الكلام لعنة..

Ø           الكريم ملك، والبخيل صعلوك.. لا منه نفع غيره ولا عاش حياة الملوك!

Ø           الكرم طبع الأنبيا.. والبخل طبع الأذريا..

Ø           الظالم ضعيف.. مهما يكون عامل مخيف..

Ø           الحويط وقعته بألف.. والعبيط ضربته تلف..

Ø           الاصيل امير والخسيس رخيص..

Ø           طريق الصح نور وزينه.. وطريق الشر عوج من هنا لمارينا..

Ø           مبيلومش المحترم غير عديم الربايه..

Ø           الحلال فيه الكفايه.. والحرام لأصحابه غايه..

Ø           فوق يا موهوم من سكرة الهموم..

Ø           نجاة الطيب بايد ربه.. وهلاك المؤذي بين إيديه..

Ø           الست الشاطرة تدلع وتهنن والخايبة في الأسية تتفنن..

Ø           جوزك لو عيل انتي ربيه.. بشوش متشمتيش العدا فيه..

Ø           الجواز طبق حلو محتاج لرشة ملح..

Ø           لف ودار في بلاد الله.. ورجع جحلف يا ولداه!

Ø           قال مالك النهاردة متضايق.. قال شوفت واحد عامل نفسه رايق..

Ø           كلامك لما يبقى في غير محله.. يخليك في عين الصغير أقل منه..

Ø           أكبر لاللي يكبرلك مرتين.. مرة لمقامه والتانية لأجل الميتين..

Ø           الكداب رمشه مهزوز.. وصوت الصادق عزيز..

Ø           بيت الكريم جنة.. لكن بيت البخيل مشنة!

تعديل المقال