"اعمل الصح"..
بادئ ذي
بدء.. أسعد الناس هو اللي بيعمل الصح.. وبيفتكر ربنا لما بيغريه الشر..
- يا أيها الانفلوينسر في كل شبر من أرض التواصل
الاجتماعي؛ يوتيوب.. فيسبوك.. تيك توك.. انستجرام.. إكس.. وغيرها وغيرها.. أرجوكم
خلوا بالكم من الفولورز بتوعكم.. دول نعمة.. والله نعمة.. مش علشان الشهرة.. ولا
الفلوس.. وبس.. لكنهم نعمة في حد ذاتها.. وإن حضرتك تكون إنسان مؤثر.. وفيه حد
بيتابع كلامك أو محتواك.. وبيسمعلك.. وبيتأثر بيك.. ويمكن - بل مؤكد - إنك قدوة
لكتير منهم.. نعمة دي ولا مش نعمة يا حضرة الانفلوينسر؟
- طبعاً نعمة.. و 60 نعمة..
- جميل جداً.. وزي ما كلنا عارفين إن النعمة بتدوم
بالشكر.. وبتزول بالجحود والنكران.. وربنا عز وجل بيقول في قرآنه الكريم "ولئن
شكرتم لأزيدنكم، ولئن كفرتم إن عذابي لشديد" (سورة ابراهيم : الآية 7)..
صدق الله العظيم..
- صدق الله العظيم..
- يبقى لازم من حيث المبدأ نشكر ربنا على عطاءه.. ونداوم
على شكر نعمه.. ثانياً لازم يكون تأثيرك إيجابي.. مش أي كلام.. ولا أي محتوى.. هبل
وخلاص.. يعني لازم تراعي ربنا في النعمة اللي عطهالك دي.. القصد إنك تختار موضوعات
لها تأثير إيجابي في حياة الفولورز.. ثالثاً لازم تكون صادق مع نفسك ومع الفولورز
بتوعك.. يعني مش مخادع ولا كذاب.. ولا مدلس.. ومتعرضش مادة علمية أو فيلمية او
درامية أو إخبارية مزيفة..
- دي للأسف بنشوفها كتير..
- فعلاً.. عافانا الله وإياكم من الوقوع فيها.. وفي حال
عرضك لمنتج ما.. تأكد من مواصفاته كويس.. وإنه مش ضار.. ولا تالف.. ولا مبالغ في
سعره.. إياك وتزييف الواقع.. إياك تخدع متابعينك.. دي أمانة.. وفي رقبتك ليوم
الحساب.. رابعاً لابد من إنك تطور من نفسك باستمرار نحو الأفضل.. وأدوات التطوير
دي واحدة من تلاتة:
o
طريقة
اختيار أفكارك.. وطريقة طرحها..
o
أسلوب
خطابك.. واستخدامك للجمل والمرادفات والعبارات الرشيقة وطبعا الراقية.. إبعد كل
البعد عن الاسفاف يا أيها الانفلوينسر.. أرجوك بلاش منه خالص.. علشان بعد كام سنة
لما تكبر وتيجي تشوف محتواك ده متزعلش من نفسك.. أو تتكسف منه قدام أهلك وحبايبك..
o
كمان تطوير
شكل اخراج محتواك والمؤثرات السمعية والبصرية باستمرار لمزيد من الجذب والابهار
شيء موضوع جداً.. ومفيش مانع من إنك تستعين بمحترفين للارتقاء بجودة العمل..
o
بردو
الاطلاع المستمر والتقيف الدائم حاجة في غاية الأهمية.. مش تفضل محلك سر.. إنت
دلوقتي حد مسئول ومهم ولو افتراضياً.. وفي الحقيقة إنت واللي زيك بتشاركوا في
تشكيل وعي الآخرين.. وبتنقشوا على قلوبهم وعقولهم.. فمينفعش بحال من الأحوال إنك
تكون سطحي أو إمعة..
- يعني أيه إمعة دي؟
- يعني تابع ذليل.. لا يفقه شيء في أي شيء.. ولا يملك
اختيار.. وملوش قرار.. بينفذ إللي بيتقالوه عليه وبس.. حتى لو كان فيه الخراب
والدمار!
-
- عزيزتي المؤثرة.. عزيزي المؤثر.. أرجوك إقبل النقد بصدر
رحب طالما كان بناء ومفهوش تجريح.. لإنك حتما هتستفيد منه حتى ولو بعد حين..
أوعاكم تكابروا.. وتغالطوا متابعينكم ومحبينكم لأنهم في غالب الأحوال عاوزين لكم
الخير.. وحابينكم تعملوا الصح..
- صح.. صح..
- طبعاً لازم تكون مؤدب.. ومهذب مع الناقدين.. مش هوصيك..
أوعاك تغلط في حد حتى لو هو غلط فيك.. إنت الكبير.. والمفروض إنك المؤثر.. مش كده
بردو؟
- أيون.. صح الصح..
- ولو تاخود بنصيحة حد أمين عليك.. بلاش فيديوهات
الهيافة.. أو إنك تخلي حياتك وزحياة أهل بيتك على المشاع.. لإنك والله هتتحاسب
عليها.. في الدنيا قبل الآخرة.. والتاريخ مبيرحمش يا صاحبي.. ومش معنى إن الفيديو
اتشاف مش عارف كام مليون مرة إنك مؤثر؟
- أومال أيه؟
- لازم يسبق ده نوعين من الرضا قبل حتى ديشليار مشاهدة
للفيديو الواحد وزيهم لايكات..
- أيه هم النوعين دول طيب؟
- الرضا الأولاني هو رضا الله عز وجل على وعن كل اللي
بتقوله وبتعمله.. والرضا التاني هو رضاك عن نفسك وعن اللي بتقدمه وبتقوله.. وده مش
كلام إنشا.. خالص.. صدقني.. الندم مش بيرجع الزمن لورا أبداً.. وهيفضل ضميرك
يعذبك.. ده لما يصحى بقى وعليك خير.. وآه من عذاب الضمير وإنت مش عارف تصحح
الخطأ.. علشان كده لازم نعمل الصح..
- صح الصح..
والسلام على جناح المحبة أحلى ختام،،،،
(تمت)