"ست الكل.. تا تعيش..
فوق الكل.. تا تكون..
وردة وزينة لكل الكون..
تا تعيش.. تا تكون"..
عموماً.. شوفي بقى يا ستي.. وست هي سيدة بس باللغة
المصرية القديمة.. إنتي عظيمة فعلا.. مش منشتات وخلاص.. ومش محتاجة حد يأكد على ده..
لازم إنتي تكوني حاسة بده من ذات نفسك.. ودي بقى مش مبالغة.. لكن الحقايق إللي
هنذكرها هنا هي اللي بتؤكد لنا كلنا ده..
-
صلوا بينا على النبي المختار..
-
عليه أفضل الصلاة، وأتم التسليم..
-
إنتي عارفة إن الدراسات والاحصائيات بتقول الآتي:
ü الستات الجميلة
قليل لما بعيشوا لأعمار طويلة نسبياً!!
ü الست أكتر إحتمال
للحزن من الراجل!!
ü الحنية في قلب
الست أكتر كتير من اللي في قلب الراجل..
ü تأثير الأم في أولادها
أقوى من تأثير الأب.. تخيلي!
ü الست بتصبر على
الجوع أكتر من الراجل..
ü أسنان الست أكتر
تحملاً من أسنان الراجل.. باينه قوي دي..
ü الست بتميل لأكل
اللحوم أقل من ميل الراجل ليها.. متوحش بطبعه..
ü معدة الست أضعف
من معدة الراجل.. وعشان كده بنلاقي الستات لما بزعلوا أو بيتضايقوا معدتهم
مبتوجعهم على طول.. وهاتك يا ترجيع.. ويع!!
ü جمال الست بيزيد
بعد الزوج.. واضح!!
ü المرأة المتزوجة
بتعيش أكتر من العازية.. غريبة دي!! يمكن النكد بيقصف عمر الرجالة بسرعة أكبر.. ووتيرة
أسرع.. مش عارف؟
ü الست بتنام أكتر
من الراجل!! براحتها.. بتتعب أكتر.. تنام زي ما هي عاوزه..
ü السهر بيأثر في
جسم الست أكتر من جسم الراجل.. كائنات لطيفة يا عم.. بسكوت وبيتي فور.. مش زند
وسكس باكس وشعر وكرش.. يع..
ü الستات بتتأخر في
الصحيان من نومهم عن الرجالة.. بيحبوا الأنتخة مثلاً.. ولا بيشيلوا هم غسيل
المواعين وتنضيف الشقة وتجهيز الغدا فعقلهم الباطن بيشد البطانية عليهم لمدة أطول؟!
ü الست متقلبة في أراءها
أكتر من الراجل.. الستات كمان بيعترفوا بكده على نفسهم والله..
ü الست أشد حباً
للمجازفة من الراجل.. يعني بتلاقيها بتميل للتجريب قوي عن الغلبان ده يا عيني!!
ü الست أقل كرماً
من الراجل..
ü عارفة إن
كليوباترا جربت السم على مئات الستات المساكين علشان تتأكد من فاعليته.. يا حرااام..
ومجربتوش على عبد دكر واحد.. قادرة!!
ü دماغ الست أخف من
دماغ الراجل.. والله ما ذنبي دا علم التشريح (الأناتومي) هو اللي بيقول كده..
ü يقول خبير دولي للعلاقات
إن دماغ الرجل يشبه مجموعة من الصناديق.. كل صندوق لموضوع واحد محدد.. وفيه صندوق
منهم باسم "لا شيء" يعني بيحب الفصلان.. أما دماغ المرأة، فييشبه كرة من
الوصلات الكهربية وكل نقطة فيها بتتصل بكل نقطة تانية.. وده اللي بيخلي الست تقدر تتكلم
كتير جدااا وببساطة.. ترغي يعني في 100 موضوع في وقت واحدومبتفهمش يعني أيه فصلان
الرجالة ده!!
ü نيجي للجد شويه..
النتائج الحاسمة بتقول إنه مفيش فرق بين الستات والرجالة.. ومنقدرش نقسم الدماغ
لذكر وأنثى بشكل علمي بالمعنى الدقيق..
ü فيه حوالي 30% فقط من
الستات بيشتغلوا في وظائف علمية.. عالمات يعني.. والاحصائية بتقول أن في الوطن
العربي ما نسبته 38% من العلماء ستات.. وفي آسيا
الوسطى نسبتهم وصلت لحد 46% تقريباً.. وفي شرق وغرب وجنوب آسيا فحوالي 20% من الستات بيشتغلوا في مجال البحث العلمي.. أما
نسبة العالمات في دول أميركا
اللاتينية والكاريبي فبلغت 44%.. وفي أوروبا الوسطى والشرقية وصلت النسبة
دي لغاية 40%.. أما في دول أميركا الشمالية وأوروبا الغربية، وصلت لحد
32%.. وفي قارة
إفريقيا وصلت النسبة لـ 29%.. وبرغم تفوق الرجال في النسبة هنا بشكل عام
لكن بقولها وبالفم المليان.. "حقاً كم أنتي عظيمة يا إمرأة"..
ü دموع الرجال عزيزة عليه
جدااا.. فالراجل يملك قنوات دمعية أقل من الست.. والرجالة بيمتلكوا 60 % أقل من
هرمون البرولاكتين، المسؤول عن البكاء!! علشان كده الست بتسح على طول مع أي موقف ضاغط على نفسيتها.. أما
الراجل قبيكبت جواه لحد ما يتفلق نصين!!
ü حدس الرجالة أقل من حدس
الستات.. فعلا الست جواها جهاز مخابرات لوذعي بيكشف أي شيء الراجل مخبيه..
ü
الست أفضل في قراءة لغة الجسد من
الراجل.. وده لأن أجزاء أكبر من دماغها بتنشط لما بتيجي تقيم سلوك الآخرين..
ü
حوالي 70% من الرجالة مش بيحبوا الست السهلة..اللي ممكن أنها
تسلم نفسها بسهولة للراجل.
-
ياااه كل ده.. عموماً.. ولو إنك راجل، بس في المجمل تشكر
يا عمنا..
-
مقبولة منك يا أستاذة..
-
ها.. في حاجة تانية عاوز تقولها.. قبل ما أروح أولع على
الطبيخ.. الراجل زمانه خرج من الشغل وفي الطريق للبيت.. وإنت عارف الراجل بيستحملش
الجوع زي الست مننا..
-
في النهاية احب أقولك ولكل بنت وسيدة إنتي نعمة من
المولى واللي يكرهها يعمى.. متسمحيش لحد يقلل منك.. او يستغلك.. ومع ذلك ترفقي
بالرجال اللي في حياتك.. قصدي طبعاً أهلك وبالأخص محارمك منهم..
-
طبعاً طبعاً في عنيا..
-
يا فندم حضرتك مخلوق مميز.. سيادتك حد بدونه الدنيا تقف
ويمكن الشمس متطلعش تاني! والرجالة كلهم.. يلوصوا ويحتاسوا.. واي معنى للحياة
بدونك يا ست الكل؟ أنا نفسي معرفش ليها معنى..
-
عفارم على حضرتك يا محترم..
-
كمان عاوز أقول للرجالة لو في حد من حضراتكم وصفني بنصير
المرأة بعد المقال ده فبالتأكيد دي حاجة تشرفني.. وكأنه علق وسام على صدري.. وبكده
يبقى خلص الكلام.. لكن تفضل الحقيقة التمام.. إنك يا ست هانم في أعلى مكان..
والسلام على جناح المحبة أحلى ختام،،،،